سندريلا في ربوع القصيم _ حكاية من التراث السوداني !!!

اول شئ القصيمي والقصيميه لا يزعل علينا هاذي قصه من نسج الخيال فا لا احد ياخذ بخاطره مني>>>> ياويلي من القصمان...



تعليمات إجبارية عشان تفهمون القصة

سندريلا = زعبوطة
ا رقيه = رقيه بس باللهجة القصيمية
شطوب = تشققات جلدية في اسفل القدم
بخ = يعني قال بووووووووو بصوت مرتفع واقشعر منه البدن
هونت = تراجعت عن الكلام
الخب = مكان صغير يشبه الضيعه قريب من المدينة << مو عاقل ولد الشام
تكتله = تقتلها بشدة << هي الموته وحده
ا قرعه = يقطينه .. ومنها قرع نجدي وقرع بوش
حدى = وحده من المجموعه
تصافقت = ماتدري وين الله حاطها
تبوسمت = ابتسمت بدلع

ملاحظه / أي حرف ألف في بداية الكلمة زائد لامحل له من الاعراب ولكن تماشياً مع اللهجة القصيمية .. مثال ارقيه ادحيم اعزيز

يالله مع بعض نبدا القصه.. 7777
777
77
7



** كان يامكان في قديم الزمان وفي سالف العصر والاوان.
** كان هناك فتاة تدعى ارقية .. تتميز ارقية بجمال اخاذ فهي الاقل شطوبا بين زميلاتها واهي اكثرهم بياضا بالنسبة للركب واقلهم اصفرارا بالنسبة للاسنان.
** كانت تعيش سعيدة في احيالتهم _ مزرعتهم
وفي يوم من الايام راح ابوها يبي يجيب العلف من المزرعة حاول حمل حزمة العلف .. عندما رفعها وجد تحتها جنيا فبخ به الجني فخر صريعا
على خشته ......
>>> لحــــــظة هونت ابوها مامات وش لون يصير لها مرة ابو؟؟ اذا فالذي راح للمزرعة ومات اكتشفنا انها امها لكن الترجمة لم تكن دقيقة
** ماتت ام ارقية .. وشعرت بحزن غامر ماتدري وش اتسوي .. فتصافقت بها الجدران ...
جاءابو رقية لمها وقال ارقية انا لازم اعرس .
ارقية : على راحتك يبة.
ابوها ..خلاص انا باخذ لطيفة ارملة ابو سعد.
قالت يبه بس هاذيس قشرا.
ابوها .. لا هذي اشاعات وبناتها مريم ومزنة بيصيرون مثل خواتك.
ارقية .. اللي تبي يبه
** تزوج ابو ارقية وبعد شهر من فلة الحجاج بدات مرة ابوها وبناتها تقل خاتمتهم وايحسرون بارقية.
ضاق صدر رقية وسكنوها في بيت الدرج .. والابو ماله سنع بينما لطيفة وبناتها ساكنين باحسن غرفة والتي تطل على حوش البقر <<< حاسين الارتباط معهم.
** دارت الايام .. والى هكاليوم به حفلة في الخب الشمالي .. ..امسويها حاكم الخب من اجل انتقاء عروسا له.
** اقعدت ارقية تصيح ودها تروح .. ومرت ابوها صاكتن عليها
*اطلعوا للحفلة واتركوها ..
** يوم صار بالليل وتمر هذيك الفارة وتلحقها ارقية بالنعلة تبي تكتلة ... اصرخت الفارة بقوة قائلة :
الفارة / اصبري وش بلاس انتي ماتقرين قصص.
ارقية / بلا قصص بلا هم هالحين ابلختس بهالنعله واطير راسك. الفارة /وش بلاس انا فارة متجنسة <<< يعني فيها جني من اهل الارض.
ارقية / واذا صار يعني.
الفارة / انا راح اسوي لس اللي تبين <<< اكيد لاحظتوا اللهجة.
ارقية / وش بتسوين يعني
الفارة / مثل القصة اللي بالتلفزيون ابخليك كشخة وتروحين للحفلة.
ارقية / يالله ورين اذا انتي صاتزة.
الفارة / طيب جيبي لي عنز واربع دجاج مندي << خطا مطبعي. .. واقرعة نجدي واوريس.
راحت ارقية وجابت له كل اللي تبي.
الفارة /// شرم برم لاتو فاتو جرام سرام ... يوم صارة القرعة كاديلاك وصارة العنز شغالة.. وصارة حدى الدجاج سواق ... وباقي الدجاج مالهن
سنع فاضبطوا عليهن كبسة.
افرحت ارقية .. قالت الللللللله بس وشلون اروح وما عندي لبس.
قامت الفارة <<< نسينا انقول لكم ان الفارة تغير شكلها الى انسان ..
المهم قامت اسحرتها وحطت عليها ذاك اللبس :
التيور من آوت فيت <<< ماعليش دبة اشوي.
والجزمة من ميلانو.
والشنطة فندي <<< اصلية مو تقليد.
والبوك جفنشي <<<< ماعليش مو زي الشنطة هذا المتوفر باسواق الجن.
** افرحت ارقية واركبت وراحت للحفلة.
>>> .... << تكفون عدوها ولاتدققون هالمرة.
** قالت الفارة لرقية اسمعي الساعه احدعش <<< على باله بيغير ... لازم ترجعين والا تراني مانيب مسؤولة عن اللي بيصير.
* * جت ارقية للحفلة .. يوم الفتت نظر كل الموجودين ادحيم واعليان واعزيز والبرهم كلهم فقوا اخششهم من الدهشه.
** الامير كان مستنزل <<< يطقون له طيران ...
قالت الجنية اللي مع ارقية للجني اللي في الامير : اطلع خل الامير يصحي
** نظر الامير الى ارقية مدهوشا
ماهذا الجمال اللي يشق الجبهه
** تبوسمت ارقية وقالت تسلم الله يخليك
الامير إحول وفقد التركيز.
قال ممكن ترقصين معي
ارقية : واخزياة والناس وش يقولون. << قصيميه مطوعه
الامير : تكفين تراها قصة لاتخربينها.
ارقية خلاص تم.
** ارقصت ارقية مع الامير ونست الوقت.
مادرت الا المباراة اللي بالتلفزيون قاضية .. درت انها تاخرت.
كانت الساعة العاشرة وثمان وخمسون دقيقة .. طيط ..عند الاشارة << عفوا نسينا.
*المهم...
انقزت ارقية وراحت تركض واثرها لابسة الزبيرية حقت اخوها الصغير <<< انتبهوا للصغير... لان الجزمة اللي جابتها الجنية لها ضيقة عليها.
اركضت ارقية بالدرج .. وتنقطع الزبيرية وتطيح .. والامير يركض وراها ... تكرفس على جبهته وماقدر يلحقها .. اخذ الزبيرية معه ورجع.
** ارقية ارجعت لبيتهم وهي مبسوووووووطة.
الامير اعلن انه يبي يتزوج راعية الزبيرية ..
من بكرا انزلوا الحاشية يدورون راعية الزبيرية ... اكتشفوا ان نص هل الخب الشمالي تركب عليهم اوالله البلشة <<< قالها الامير
معقول باتزوج خبي
جاب مستشاره وقال له وش الحل.
المستشار : ابد طال عمرك انشوف رجلين الحريم واللي مقاسها ست واربعين تراها هي
*** راحو يدورون ... اكتشفوا ان معظم بنات الديرة مقاسهن تسع واربعين وفوق.
** يوم اوصلوا بيت ارقية .. صكت عليها مرت الابو في بيت الدرجة .. لم تسكت ارقية فبدت اتصارخ واتصيح افتحوووووووووولي ..
سمعها خوي الامير <<< المستشار.
قال جيبوها
قالوا هذي خبلة
قال ماهو شغلكم جيبوها ..
** جت ارقية والبست الزبيرية والاها قدها تمااااام ... فرح الخوي وراح وبشر الامير.
** تزوج الامير ارقية .. وتهاوش معها عقب شهر وطلقها . <<< اوالله الخاتمة.

مما ورد نستفيد التالي :
1/ القرع له فوائد عديدة.
2/ ارقية شخصية مش خيالية.
3/ .. زين اذا كانت انعال اخوك قدك.
4/..القرعة ممكن تتحول الى كاديلاك.
5/..اذا بغيت تعرس لاتاخذ وحدة شايفينها بعرس .. وحاول انك تشوفها في الوضع الطبيعي ..والا تراك تبي تطلقها .. الا اذا كانت مدرسة٠ << افهموها *_^

وانتهت القصه وان شاء الله اعجبتكم ونرجع ونقول : وكما قال ابن حويزيل:
** الردووود تووسع الصدووور**

يسلمو بحور ع الرد العسل ياعسل
بعدين تعال ابسالك: ماذا يعني الزعل لاني لم اجربه في حياتي؟؟؟>>> وش عند سيبويه

هههههههههههههههههههههههههههههههههههههههههههههه

الله الله يرجك رجا مبرحا... بس عاد تراكم مسختوها ع لقصمان شفت شلون ياحلاتها ارقيه ههههههههههههههههههههههههه

تقبل مروري ورودي

حياك يام كشه منوره يالمبه>> بينطق
وان كان ع الرجه فهي وراثه>>>